Torta tal-Fenek
Ingredjenti
- 4 Saqajn tal-fenek, mingħajr għadam
- 1 Basla, mqaxxra u mqatta' fina
- 2 Karrotti, mqaxxrin u mqattgħin
- 1 Zokk ta' karfusa
- 4 Sinniet tewm
- 1 Kuċċarina origano
- Kuċċarina ħwawar mħalltin (mixed spice)
- 1 Mgħarfa Kunserva Three Hills
- 2 Patatiet, mqaxxra u mqattgħin
- 1 Tazza żgħira inbid bajda
- 1 Kuċċarina stokk tat-tiġieġ tal-Pinto's Pride
- 1 Bott Pelati tal-Mayor
- 1 Bott piżelli tal-Mayor
- 2-3 Mgħaref żejt taż-żebbuġa tat-tewm
- Bżar u melħ għat-togħma
- 500g Għaġina sfiljurata
- 1 bajda
Qatta' l-fenek f'dadi ta' 2ċm. Saħħan taġen bi ftit żejt taż-żebbuġa u sajjar il-fenek sakemm jieħu ftit kulur. Neħħih mit-taġen u żid il-karrotti, basal, karfus u tewm fl-istess taġen u sajjar sakemm jieħdu ftit kulur. Itfa' l-ħxejjex aromatiċi u l-ħwawar mal-kunserva u kompli sajjar għal minuta oħra. Erġa' poġġi l-fenek fit-taġen, itfa' l-inbid u ħallih jinxtorob. Żid l-istokk, tazza ilma, it-tadam u l-patata u ħallih itektek għal kwarta. Meta jkun lest, neħħih minn fuq in-nar u żid il-piżelli. Sadanittant, poġġi l-għaġina sfiljorata f'dixx tat-torti ta' 20ċm u itfa' t-taħlita tal-fenek u erġa' għatti bl-għaġina. Idlek il-wiċċ tal-għaġina b'bajda mħabbta u sajjar fil-forn f'temperatura ta' 175°C għal 35 minuta jew sakemm tieħu l-kulur.
Ricetta ta’ Aceline Media