Meatballs fiz-Zalza
Ingredjenti
- 500g Kapuljat (ċanga u majjal)
- 150g Frak tal-ħobż
- 60ml Ħalib
- Nofs bott tal-Mayor basal imqatta’
- 2 sinniet tewn mgħaffġin
- Mgħarfa riegnu (origano)
- 1 bajda
- 1 Mgħarfa żejt taż-żebbuġa
- 60g Butir
- 3 Mgħaref dqiq
- 500ml* Stokk taċ-ċanga
- 250ml Krema Tal-Hanini
- Mgħarfa Pinto's Pride Worcester
- Kuċċarina mustarda tal-Mayor
- Bżar mitħun frisk u melħ
Metodu Fi skutella ħallat il-frak tal-ħobż u l-ħalib. Ħalli għal għaxar minuti sakemm il-frak tal-ħobż ikun ixxarrab sew fil-ħalib. F’taġen kbir, saħħan mgħarfa żejt taż-żebbuġa u mgħarfa butir fuq nar medju. Żid il-basal u ħawwad sakemm jirtab ftit għal madwar 5 minuti. Żid it-tewm u r-riegnu u kompli ħawwad għal minuta/żewġ minuti. F’reċipjent kbir, ħallat il-kapuljat, il-basal, it-tewm u r-riegnu u ħawwad tajjeb flimkien. Żid il-bżar u l-melħ gosti tiegħek. Żid il-bajda u ħawwad sew mat-taħlita. Żid il-ħobż u l-ħalib mal-laħam u għaqqad sew flimkien. Uża mgħarfa sabiex tagħmel pulpetti tal-istess daqs. Mir-riċetta toħroġ madwar 20 pulpetta. Erġa’ saħħan it-taġen u żid ftit żejt taż-żebbuġa u butir jekk hemm bżonn. Fuq nar medju, sajjar bir-reqqa l-pulpetti min-naħat kollha u attent li ma jinfetħux. Neħħi l-pulpetti mit-taġen waqt li tagħmel iz-zalza. Żid erba’ mgħaref butir ġot-taġen u kif idub, żid u ħawwad fid-dqiq u sajjar fuq nar baxx sakemm jieħdu l-kulur. Itfa’ bil-mod l-istokk taċ-ċanga u sajjar f’temperatura li żżomm iz-zalza ttektek bil-mod għal madwar 5 minuti. Żid il-krema, il-Worcester u l-mustarda u ħalliha ttektek sakemm it-taħlita tiġi ftit magħquda. Żid il-pulpetti fiz-zalza, għatti u ħalliha ttektek fuq nar baxx għal madwar 10 minuti. Servi bil-patata maxx.
* Magħmul b’ mgħarfa Spoon Stock u 500ml misħun