Tiġieġa fl-Inbid Aħmar
Serves 4
Prep Time 30 mins
Cooking 100 mins
Level low
Ingredjenti
- Tiġieġa ta’ madwar 1¼kg
- 400g Polpa tal-Mayor
- 400g Basal tal-Mayor
- 300g Faqqiegħ żgħir jew mqatta’ f’biċċiet żgħar
- 25g Kunserva Three Hills
- 3 Tazzi nbid aħmar
- 2 Tazzi ilma
- Bżaru aħdar imqatta’
- Tursin imqatta’ rqiq
- 2 Kuċċarini taħlita ta’ ħwawar tal-gosti tiegħek
- Werqa randa
- Dqiq
- Żejt taż-żebbuġa
- Bżar u melħ
Qaxxar it-tiġieġa neħħilha x-xaħam u aqsamha fi 8 biċċiet. Roxx ftit bżar u melħ u għaddiha mid-dqiq. Ixgħel il-forn 1800C, gass numru 4. Saħħan ftit żejt f’taġen u aqli l-biċċiet tat-tieġieġa sakemm isiru ħomor. Mhux importanti li jissajru kompletament. Poġġihom f’casserole. Qalli l-basal u l-faqqiegħ għal ftit minuti fl-istess taġen. Żid il-bżaru u lkompli qalli filwaqt li tħawwad il-ħin kollu. Żid il-kunserva, il-polpa, il-werqa randa u t-taħlita ta’ ħwawar. Ħawwad tajjeb. Żid l-inbid, l-ilma. Għalli, baxxi ftit in-nar u kompli sajjar għal 10 minuti. Ferra’ din iz-zalza fuq il-biċċiet tat-tiġieġa u sajjar fil-forn għal madwar siegħa u nofs. Ferrex it-tursin fil-wiċċ u servi. Żid ftit żebbuġ iswed fil wiċċ.
Ricetta ta' Anton B. Dougall