Risotto bil-Ħaxix u Tiġieġ
Ingredjenti
- 4 kikkri stokk tat-tiġieġ... tagħmlu billi ddewweb mgħarfa Spoon Stock tat-Tiġieġ
- 2 kikkri ross arborio... magħmul apposta għar-risotto
- 200g sider tat-tiġieġa
- 100g Bott basal imqatta' tal-Mayor
- 100g bżar ikkulurit
- 100g Mushrooms tal-Mayor
- 60g Piżelli tal-Mayor
- Tewm... skont kemm tiggosta
- Żejt taż-żebbuġa
- Bżar mitħun frisk u melħ
Qaxxar it-tewm u l-basal u qattagħhom f’biċċiet żgħar. Aħsel u naddaf il-bżar u l-faqqiegħ u qattagħhom ukoll f’biċċiet żgħar. Naddaf is-sider tat-tiġieġa u qattgħu f’biċċiet żgħar. Saħħan ftit żejt ġo taġen kbir u fond u qalli l-basal u t-tewm. Ħawwad il-ħin kollu. Baxxi n-nar u żid il-bżar u l-faqqiegħ u kompli qalli għal ftit ħin ieħor. Żid is-sider tat-tiġieġa u kompli sajjar. Żid ir-ross u sajjar, dejjem fuq nar baxx, għal xi 6 minuti. Żid l-istokk sħun ftit, ftit filwaqt li tħawwad il-ħin kollu. Żid il-piżelli wara 30 minuta u kompli żid l-istokk sakemm isir ir-ross. Jista’ jkun li ma tużax l-istokk kollu jew ikollok iżżid xi ftit misħun. Qatt iżżid ilma kiesaħ għax tħassar ir-ross. Servi mill-ewwel. Ara jkunx hemm bżonn li żżid xi ftit bżar u melħ qabel isservi.
Riċetta Mill-Kcina ta’ Pawlina Anton B Dougall